වසර 10 කට පසු මධ්‍යම පළාතේ ක්‍රීඩා සමාජ 400ක් සදහා රුපියල් මිලියන 3ක වටිනාකමින් යුත් ක්‍රීඩා භාණ්ඩ බෙදා දෙයි

 

එල්.බී සේනාරත්න

 

මධ්‍යම පළාතේ ක්‍රීඩා සමාජ 400ක් සදහා ක්‍රීඩා භාණ්ඩ බෙදාදීමේ වැඩසටහනේ ආරම්භක වැඩසටහන මධ්‍යම පළාත් ආණ්ඩුකාර නීතීඥ ලලිත් යු ගමගේ මහතාගේ ප්‍රධානත්වයෙන් මහනුවර පිහිටි ආණ්ඩුකාර කාර්යාලීය ශ්‍රවණාගාරයේදී (3) සිදුවිය.   2020 වර්ෂයේ පැවැති අන්තර් ක්‍රීඩා සමාජ තරග සදහා සහභාගී වූ ක්‍රීඩා සමාජ අතුරින්  ක්‍රියාකාරී ක්‍රීඩා සමාජ තෝරාගෙන රුපියල් මිලියන 3ක වටිනාකමකින් යුත්  ක්‍රීඩා භාණ්ඩ මෙලෙස බෙදා දීමට නියමිත අතර, පවතින කොවිඩ් වසංගත තත්වය හේතුවෙන් මෙදින සංකේතාත්මක ලෙස ක්‍රීඩා සමාජ 10 ක් සදහා ක්‍රීඩා උපකරණ බෙදා දීම සිදුවිය. මහනුවර, මාතලේ සහ නුවරඑළිය දිස්ත්‍රීක්කයන් ආවරණය වන පරිද්දෙන් ක්‍රීඩා සමාජ 400ක් සදහා මෙලෙස භාණ්ඩ දීම වසර 10කට පසු සිදුවන්නක් බවත්, ඉදිරි සෑම වර්ශයකදීම ක්‍රීඩා සමාජ දිරිගැන්වීම සදහා මෙලෙස ක්‍රීඩා භාණ්ඩ බෙදාදීම සදහා පළාත් ක්‍රීඩා දෙපාර්තමේන්තුව අපේක්ෂා කරන බවත් පළාත් ක්‍රීඩා අධ්‍යක්ෂ ජගත් කීර්ති මහතා මෙහිදී ප්‍රකාශ කර සිටියේය.

 මෙහිදී අදහස් දක්වමින් පළාත් ආණ්ඩුකාරවරයා ප්‍රකාශ කර සිටියේ, ජය පරාජය එකසේ දරාගනිමින් සමාජය තුල සහ‍යෝගයෙන් කටයුතු කිරීම සදහා ක්‍රීඩාව මහත්සේ උපකාරී වන බවයි. වැඩිදුරටත් අදහස් දක්වමින් ලලිත් යු ගමගේ මහතා පවසා සිටියේ වර්තමානය වන මිනිසුන් ජීවිත්වන කාර්ය බහුල දිවිය සහ ආහාරයට ගනු ලබන ආහාර පාන වල පවතින විෂ සහිත තත්වයන් හේතුකොට ගෙන රෝහල්, සායන පිරීගොස් පවතින බවත්,  ක්‍රීඩා අමාත්‍ය නාමල් රාජපක්ෂ මහතාගේ උපදෙස් මත සෑම ප්‍රාදේශීය ලේකම් කොට්ඨාශයක් වෙතම ක්‍රීඩා පිටියක් ලබාදෙමින්,  ජනාධිපති ගෝඨාභය රාජපක්ෂ මහතාගේ “සෞභාග්‍ය දැක්ම” ප්‍රතිපත්ති ප්‍රකාශායුනුකූලව නිරෝගිමත් ජනාතාවක් හෙට ලොවට දායාද කිරීම සදහා කටයුතු කරමින් පවතින බවයි.  මෙම භාණ්ඩ බෙදා දීමේ අවස්ථාවට ආණ්ඩුකාර ලේකම් ඇන්ටන් තිලකරත්න, පළාත් ප්‍රධාන හා අධ්‍යාපන අමාත්‍යාංශ ලේකම් නන්දන ගලබොඩ යන මහත්වරුන් ද එක් ව සිටියේය.

Leave a Reply

Your email address will not be published. Required fields are marked *